Preguntas de ámbito xeral

• Que é METAPOSTA?

  METAPOSTA é un servizo de caixa forte en Internet onde se pode recibir e custodiar documentos de interese.
  
  METAPOSTA está pensado tanto para cidadáns como para organizacións; estas últimas poden, ademais de recibir e custodiar os seus documentos, realizar envíos seguros de documentos como contratos, diplomas, facturas, nóminas... e asinar contratos.
  
  O fundamento principal do sistema é o almacenamento seguro e perenne daqueles documentos aos cales a cidadanía e as empresas outorgan un alto valor e que, en consecuencia, desexan almacenar nun espazo persoal electrónico. Cando eses documentos están, ademais, asinados electronicamente, METAPOSTA encárgase de custodiar para que non perdan o seu valor legal.
  
  Ademais de recibir, esta caixa forte permite cargar documentos desde o ordenador ou desde o móbil a través da app.

• Desexo darme de alta en METAPOSTA. Que debo facer?

  Para darte de alta en METAPOSTA, podes facelo de calquera das tres formas seguintes.

  (1) Certificado dixital

  Para darte de alta con certificado dixital, preme no botón (na parte superior dereita) «ACCESO Á MIÑA CAIXA DE CORREO» e, dentro de este apartado, escolle «Con certificado dixital».Os certificados de sinatura electrónica recoñecida en METAPOSTA son:

  - DNI electrónico.

  - Certificados de IZENPE.

  - Certificados de CAMERFIRMA.

  - Certificado da Fábrica Nacional de Moeda e Timbre (CERES).

  - Certificados corporativos de Osakidetza e da Universidade Pública Vasca (UPV).

  - Certificados da Autoridade de Certificación da Avogacía (ACA)

  (2) Alta presencial (KZgunea)

  Podes rexistrarte en METAPOSTA acudindo a calquera centro KZgunea, co teu DNI ou NIE en vigor (sen necesidade de certificado dixital).

  (3) Banca en liña

  Só cómpre que esteas rexistrado como usuario na banca en liña de calquera das entidades colaboradoras.

  - Bankoa (particulares e empresas).

  - Kutxabank (só particulares).

  - Laboral Kutxa (particulares e empresas).

  A alta realízase desde a entidade financeira.

• Son unha empresa e desexo darme de Alta en METAPOSTA. Que debo facer?

  Se unha persoa xurídica dispón de certificado de sinatura electrónica recoñecida (tarxetas de Izenpe, Camerfirma) pode darse de alta directamente na web de METAPOSTA (www.metaposta.com). 

  Tamén ten a posibilidade de darse de alta a través da banca online das entidades colaboradoras (Bankoa / Laboral Kutxa).

  Para poder realizar envíos a través de METAPOSTA, cómpre contactar co 943 000 833 ou metaposta@metaposta.com.

• Desexo darme de baixa en METAPOSTA. Que debo facer?

  Para darse de baixa en METAPOSTA, debe presentar na sede de METAPOSTA, S. A. a solicitude de revogación en que se recolle a seguinte información:

  • Identidade do titular/posuidor de claves da conta.
  • Nome do solicitante da baixa. Información de contacto do solicitante da baixa.

  A solicitude autenticarase de acordo cos requisitos establecidos na Declaración de Prácticas de Contas e Servizos, e METAPOSTA, S. A., que procederá á súa baixa efectiva.

  A solicitude de baixa autenticada, así como a información que xustifica a revogación, é rexistrada e arquivada.

  No caso de que a revogación fose solicitada por persoa distinta do titular, METAPOSTA, S. A. comunicará ao titular da conta esa solicitude de baixa e a causa pola que se leva a cabo. METAPOSTA, S. A. non poderá reactivar unha conta previamente dada de baixa.

  METAPOSTA, S.A.
  Parque Tecnológico de Álava
  Avda. Albert Einstein, 44 - Edif. E6 - Bajo
  Miñano Mayor - 01510 Vitoria-Gasteiz
  Fax: 945 00 84 36

• Pode METAPOSTA ser contratado por menores de idade?

  Si, coa condición de que estean en posesión dun documento de identificación válido e sexa maior de 16 anos de idade.

• Pode METAPOSTA ser contratado por persoas estranxeiras?

  Si, sempre e cando estean en posesión dunha identificación válida en regra coa que demostrar a súa identidade.

• Poderei dispor de varias contas en METAPOSTA?

  Non. Cada persoa física ou xurídica só pode dispor dunha conta METAPOSTA.

Preguntas de operativa

• Que ocorrerá cos meus documentos se deixo de ser cliente da entidade adherida que os enviou?

  Os documentos que xa foron entregados na súa caixa do correo permanecerán nela a perpetuidade, ou ata que vostede os elimine. Loxicamente, e debido a que vostede deixa de ser cliente da entidade, non se entregarán novos documentos na súa caixa do correo.

• Cal é o límite de capacidade de almacenamento de METAPOSTA?

  METAPOSTA disporá de almacenamento ilimitado para os documentos enviados por empresas adheridas. Para os documentos incorporados por vostede, existe un límite de 1 GB sen custo algún. É posible ampliar esta capacidade de almacenamento. Máis información: metaposta@metaposta.com ou 943 000 833.

   

• Durante canto tempo permanecerán os meus documentos almacenados en METAPOSTA?

  Os seus documentos en METAPOSTA non se eliminarán nunca. Permanecerán almacenados perpetuamente para a súa consulta e xestión.

• Que debo facer se as miñas claves de acceso a METAPOSTA se perden ou caen en mans doutra persoa?

  Podes rexerar os datos de acceso á túa caixa de correo, sempre que o desexes. Para iso, cómpre que a conta de correo asociada á túa conta de METAPOSTA estea activa e teñas acceso a ela. O procedemento de rexeración dos datos de acceso realízase desde a web www.metaposta.com.  Dentro do apartado «Acceso á miña caixa de correo», preme sobre «Esqueciches o teu contrasinal» e sigue as instrucións que vaian aparecendo.

  No caso de que non teña unha conta de correo asociada á caixa de correo de METAPOSTA ou non teña os datos de acceso a esta, pode chamar ao servizo de atención telefónica de METAPOSTA (943 000 833) ou acudir a algunha das oficinas de KZgunea.

• Teñen validez legal os documentos almacenados en METAPOSTA?

  Si, METAPOSTA conta con valor probatorio legal, para todas as entidades ás que aplique a Lei 11/2007, de 22 de xuño, de acceso electrónico da cidadanía os servizos públicos, a cal é de obrigatorio cumprimento para as administracións públicas e para todas empresas privadas que teñan a devandita lei aceptada. Para efectos dos usuarios e entidades ás que aplique a Lei 11/2007, todo aquilo que acontece en METAPOSTA é legalmente válido e pode ser utilizado como referencia ou proba legal.

Preguntas de custo e prestacións do servizo

• Canto me custará este servizo se o contrato?

  METAPOSTA é un servizo gratuíto para as persoas físicas e xurídicas que teñen caixa do correo creada en METAPOSTA.